Vigouroux átti að öðlast reynslu hjá Swindon en var sektaður um 50 pund, um 10 þúsund krónur, fyrir að mæta of seint á æfingu.

Markvörðurinn fékk tiltal frá Mark Cooper, knattspyrnustjóra Swindon, og nokkrum aðalliðsmönnum en tók ekkert alltof vel í það. Hann mætti á réttum tíma daginn eftir og með 50 pund til að borga sektina, nema að hann hafði farið í banka og fengið pundin í klinki.

Vigouroux mætti þá á æfinguna með nokkra bankapoka fulla af klinki og hefur verið rekinn frá félaginu fyrir vikið.