„ Þetta var svekkjandi leikur. Þetta var leikur alveg fram að rauða spjaldinu fannst mér,” sagði Jón Hálfdán Pétursson þjálfari BÍ/Bolungarvíkur eftir 6-1 tap gegn Þór nú í kvöld.
Lestu um leikinn: Þór 6 - 1 BÍ/Bolungarvík
Dómari leiksins, Ívar Orri Kristjánsson átti ekki sinn besta dag, um frammistöðu hans sagði Jón:
,,Með dómarann, mér fannst vera spjaldað meira á okkur fyrir samskonar brot hjá hinu liðinu. Ég er bara ekki sáttur við það. Svo sýndi það sig í þessum farsa hérna rétt fyrir leikslok að hann var bara ekki á tánum í dag.”
Djúpmenn fengu til sín nýja leikmenn í glugganum og ætla þeir sér greinilega að halda sér uppi.
„Já, við fengu nýja leikmenn í glugganum. Við vorum náttúrlega með fámennan hóp en það er komin breidd í hópinn núna. Já, það á eftir að slípast saman en við verðum náttúrlega að fara að taka þrjú stig ef við ætlum að halda okkur í deildinni.”
Viðtalið í heild sinni má sjá hér að ofan.
Athugasemdir
