„ Við erum gríðarlega ánægðir með að fá þrjú stig og kannski sérstaklega að skora mörk. En þrjú stig, við tökum öll þrjú stig sem við náum og þetta var bara baráttusigur í dag.“

Bí/Bolungarvík eru komnir af botni deildarinnar með sigrinum, og hafði Jón eftirfarandi að segja um það:

„Við stefnum upp á við og við ætlum að halda okkur í deildinni og það er markmiðið hjá okkur.“

Jón sýndi Bolvíkingnum unga Pétri Bjarnasyni mikið traust í dag og setti hann í byrjunarliðið. En Jón var mjög sáttur með spilamennsku hans í leiknum.

„Ég er sáttur með hans spilamennsku, hann skoraði eitt mark og svo lagði hann upp seinna markið, þannig hann á bara framtíðina fyrir sér eins og ungu strákarnir hérna. Hann hefur unnið vel undanfarið og átti skilið að koma inní byrjunarliðið.“

Ásgeir Guðmundsson fyrrverandi aðstoðarþjálfari félagsins var Jóni til aðstoðar í dag og spurði undirritaður Jón hvort Ásgeir ætti að fylla skarðið sem Nigel Quashie skildi eftir sig.

„Nei hann Ásgeir aðstoðar mig í dag og ég get gripið í hann þegar það á við og þegar hann er laus. Hann hjálpaði mér í dag og ég veit ekki hvort ég sleppi honum víst að það var sigur í dag þegar hann kom inn.“

Viðtalið í heild sinni má sjá hér að ofan.