Havertz: Erfitt að segja nei við Bayern

Þessi 23 ára gamli Þjóðverji hefur ekki náð að sýna sitt rétta andlit frá því hann gekk til liðs við Lundúnarliðið árið 2020 frá Bayer Leverkusen.

„Bayern er almennt risastórt félag og það er erfitt að segja nei við það sem þýskur leikmaður. Markmiðið mitt hefur þó alltaf verið að spila erlendis, á Englandi eða Spáni," sagði Havertz.

Havertz hefur skorað 7 mörk í 26 leikjum í úrvalsdeildinni á þessari leiktíð en Chelsea hefur verið langt frá sínu besta.