Leiknir Fáskrúðsfirði fær til sín fjóra (Staðfest)

Alexander Aron Davorsson kemur á láni frá Aftureldingu. Alexander er sóknarmaður sem leikið hefur 10 leiki með Mosfellingum í 2. deildinni í sumar og skorað þrjú mörk. Izudin Daði Dervic, þjálfari Leiknis, er fyrrum þjálfari Aftureldingar og þekki Alexander því vel.

Annar sóknarmaður, Kjartan Atli Kjartansson, er kominn frá Árborg. Kjartan hefur skorað 11 mörk í 10 leikjum fyrir Árborg í sumar en liðið á ekki lengur möguleika á að fara upp úr 3. deild.

Ómar Ingi Guðmundsson er fjölhæfur leikmaður sem er kominn í Leikni frá HK. Ómar hefur leikið sex leiki með HK í 2. deildinni í sumar.

Þá er Jóhann Örn Jónsson kominn aftur í raðir Leiknis en hann gekk í raðir Reynis Sandgerði fyrir yfirstandandi tímabil. Hann kemur á lánssamningi út sumarið.