Frá ÍBV til Noregs (Staðfest)

Marcel er búinn að skipta yfir til Egersund og fer þangað á frjálsri sölu eftir eitt og hálft ár í Vestmannaeyjum.

Hann varði mark ÍBV í Bestu deildinni í fyrra og hjálpaði liðinu að forðast fall en missti byrjunarliðssætið í sumar. Hann var aðeins búinn að spila 7 leiki í sumar fyrir félagaskiptin til Egersund.

Þar mun Marcel starfa ásamt Haraldi Árna Hróðmarssyni sem er aðstoðarþjálfari.

Egersund er með 20 stig eftir 15 umferðir í næstefstu deild í Noregi, í harðri baráttu um umspilssæti fyrir sæti í efstu deild.