Viðar Ari Jónsson og Brynjar Ingi Bjarnason komu við sögu þegar HamKam heimsótti KFUM Oslo í lokaleik fyrstu umferðar í norskuu deildinni í kvöld.
Viðar Ari var í byrjunarliðinu en var tekinn af velli á 68. mínútu fyrir Brynjar Inga en þá var staðan 1-0 HamKam í vil. KFUM jafnaði metin á loka mínútu venjulegs leiktíma og þar við sat.
Þorri Mar Þórisson var ekki í leikmannahópi Öster þegar liðið gerði 1-1 jefntefli gegn Degerfors í fyrstu umferð sænsku deildarinnar.
Degerfors var marki yfir í hálfleik. Öster fékk vítaspyrnu eftir klukkutíma leik en hún fór forgörðum. Liðinu tókst hins vegar að jafna metin þegar þrjár mínútur voru liðnar af venjulegum leiktíma.
Milos Milojevic stýrir Al Wasl í Sameinuðu Arabísku Furstadæmunum en liðið vann Al Jazira í átta liða úrslitum forsetabikarsins þar í landi í kvöld 3-0 og tryggði sér þar með sæti í undanúrslitum.