Everton leggur fram tilboð í vinstri bakvörð Real Madrid

Reguilon var á láni hjá Sevilla í spænsku úrvalsdeildinni á tímabilinu sem var að klárast og var hann kosinn besti vinstri bakvörður deildarinnar.

Leighton Baines lagði skóna á hilluna í síðustu viku og Carlo Ancelotti, stjóri Everton, vill fá mann inn í staðinn til að veita Lucas Digne samkeppni. Reguilon virðist vera sá maður.

Reguilon er í miklum metum hjá Real Madrid, en félagið er vel sett í stöðu vinstri bakvarðar með Marcelo og Ferland Mendy.

Sevilla mun væntanlega veita Everton keppni um þjónustu Reguilon og þá eru fleiri félög á Englandi áhugasöm um hann.