Ítalska félagið Fiorentina er í viðræðum við franska félagið Lille um kaup á Jonathan Ikone. Félagaskiptakóngurinn, Fabrizio Romano, greinir frá.
Franski landsliðsmaðurinn var frábær er Lille vann frönsku deildina á síðasta tímabili.
Hann á fjóra landsleiki að baki fyrir Frakkland en er nú farinn að hugsa sér til hreyfings.
Samkvæmt Romano hefur Fiorentina komist að samkomulagi við Lille um kaup á Ikone en kaupverðið er 15 milljónir evra.
Ikone hefur allan sinn feril spilað í Frakklandi en hann fór upp í gegnum akademíuna hjá PSG áður en Lille keypti hann árið 2018.
Athugasemdir