Heimild: Einherji
Meistarar í 4. deild.
Stjórn Einherja frá Vopnafirði sendi frá sér tilkynningu í dag þar sem fram kemur að félagið muni ekki tefla fram liði í meistaraflokki karla í sumar.
„Við í stjórn Einherja þurfum því miður að tilkynna ykkur að ekki verður hægt að tefla fram liði í mfl karla sumarið 2023," segir í frétt á einherji.net.
„Við í stjórn Einherja þurfum því miður að tilkynna ykkur að ekki verður hægt að tefla fram liði í mfl karla sumarið 2023," segir í frétt á einherji.net.
Ástæðan er einföld, skortur er á mannskap. „Eftir miklar vangaveltur og tilraunir til að leysa þessi mál var þetta niðurstaðan . Okkur þykir það mjög leitt en að sama skapi að þá þurfum við að hugsa um hag Ungmennafélagsins Einherja og teljum við þetta það eina rétta."
Einherji verður hins vegar með lið í meistaraflokki kvenna og segir að unnið sé að því að ráða þjálfara.
Einherji vann 4. deildina í sumar og átti að taka þátt í 3. deild í sumar. Í stað Einherja fer Ýmir, venslafélag HK, upp í 3. deild þar sem liðið vann Hvíta-Riddarann í leiknum um 3. sæti 4. deildar.
„Einnig erum við að vonast til að geta ráðið inn þjálfara fyrir yngri flokka. Yngri flokka starfið hefur gengið mjög vel og hefur orðið töluverð fjölgun á iðkendum í vetur. Það er okkar markmið að reyna fá meiri festu í yngriflokkastarfið og halda áfram því góða starfi sem unnið hefur verið."
„Við erum bjartsýn á framtíðina þrátt fyrir þessar erfiðu fréttir varðandi mfl. karla. Við vonandi getum komið með jákvæðar fréttir varðandi þjálfaramál sem allra fyrst."
Athugasemdir
