Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
fimmtudagur 21. mars
EM umspilið
fimmtudagur 14. mars
Lengjubikar karla - Undanúrslit
sunnudagur 10. mars
Enska úrvalsdeildin
þriðjudagur 27. febrúar
Landslið kvenna - Þjóðadeild umspil
föstudagur 23. febrúar
fimmtudagur 1. febrúar
Úrslitaleikur Reykjavíkurmótsins
fimmtudagur 18. janúar
Vináttulandsleikur
sunnudagur 14. janúar
fimmtudagur 14. desember
Sambandsdeild UEFA
föstudagur 8. desember
Úrslitaleikur Bose-mótsins
þriðjudagur 5. desember
Þjóðadeild kvenna
mánudagur 4. desember
Umspil fyrir HM U20
föstudagur 1. desember
Þjóðadeild kvenna
fimmtudagur 30. nóvember
Sambandsdeild UEFA
sunnudagur 19. nóvember
Undankeppni EM
fimmtudagur 9. nóvember
Sambandsdeild UEFA
þriðjudagur 31. október
Landslið kvenna - Þjóðadeild
föstudagur 27. október
fimmtudagur 26. október
Sambandsdeild UEFA
miðvikudagur 18. október
Forkeppni Meistaradeildar kvenna
þriðjudagur 17. október
Undankeppni EM
föstudagur 13. október
þriðjudagur 10. október
Meistaradeild kvenna
sunnudagur 8. október
Besta-deild karla - Efri hluti
fimmtudagur 5. október
Sambandsdeild UEFA
mánudagur 2. október
Besta-deild karla - Efri hluti
sunnudagur 1. október
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
föstudagur 29. september
Fótbolti.net bikarinn
þriðjudagur 26. september
Landslið kvenna - Þjóðadeild
mánudagur 25. september
Besta-deild karla - Efri hluti
sunnudagur 24. september
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
Lengjudeild karla - Umspil
laugardagur 23. september
Besta-deild karla - Neðri hluti
Fótbolti.net bikarinn
föstudagur 22. september
Landslið kvenna - Þjóðadeild
fimmtudagur 21. september
Sambandsdeildin
miðvikudagur 20. september
Besta-deild karla - Efri hluti
Lengjudeild karla - Umspil
Besta-deild karla - Neðri hluti
mánudagur 18. september
fimmtudagur 14. september
Besta-deild kvenna - Efri hluti
miðvikudagur 13. september
þriðjudagur 12. september
Undankeppni EM U21 landsliða
mánudagur 11. september
Undankeppni EM
sunnudagur 10. september
Besta-deild kvenna - Neðri hluti
þriðjudagur 19. mars
Engin úrslit úr leikjum í dag
mið 03.jún 2020 17:00 Mynd: Fótbolti.net - Hafliði Breiðfjörð
Magazine image

Spá Fótbolta.net - 3. sæti: Breiðablik

Sérfræðingar Fótbolta.net spá því að Breiðablik muni enda í 3. sæti í Pepsi Max-deildinni í sumar. Álitsgjafar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Blikar enda í 3. sæti samkvæmt spá okkar.

Höskuldur Gunnlaugsson er fyrirliði Breiðabliks.
Höskuldur Gunnlaugsson er fyrirliði Breiðabliks.
Mynd/Fótbolti.net - Hafliði Breiðfjörð
Varnarmaðurinn Elfar Freyr Helgason.
Varnarmaðurinn Elfar Freyr Helgason.
Mynd/Fótbolti.net - Hafliði Breiðfjörð
Þjálfarinn Óskar Hrafn Þorvaldsson.
Þjálfarinn Óskar Hrafn Þorvaldsson.
Mynd/Fótbolti.net - Hafliði Breiðfjörð
Viktor Karl Einarsson.
Viktor Karl Einarsson.
Mynd/Fótbolti.net - Hafliði Breiðfjörð
Anton Ari Einarsson.
Anton Ari Einarsson.
Mynd/Fótbolti.net - Hafliði Breiðfjörð
Gísli Eyjólfsson.
Gísli Eyjólfsson.
Mynd/Fótbolti.net - Hafliði Breiðfjörð
Spáin:
1. ?
2. ?
3. Breiðablik 108 stig
4. FH 95 stig
5. Víkingur R. 93 stig
6. Stjarnan
7. KA 55 stig
8. Fylkir 49 stig
9. ÍA 44 stig
10. HK 43 stig
11. Grótta 20 stig
12. Fjölnir 14 stig

Um liðið: Breiðablik hefur hafnað í öðru sæti Pepsi Max-deildarinnar síðustu tvö ár. Liðið var þó langt frá því að vinna Íslandsmeistaratitilinn í fyrra, KR vann með 14 stiga forskoti. Stjórn Blika ákvað að gera þjálfarabeytingar og Ágúst Gylfason var látinn fara.

Þjálfari - Óskar Hrafn Þorvaldsson: Einn umtalaðasti og áhugaverðasti þjálfari landsins. Eftir að hafa komið Gróttu upp um tvær deildir á tveimur árum er Óskar mættur á stóra sviðið sem þjálfari Breiðabliks. Hann var valinn þjálfari ársins í íslenskum íþróttum í fyrra og setur nú handbragð sitt á Kópavogsliðið. Halldór Árnason, sem var aðstoðarmaður hans á Seltjarnarnesi, fylgdi honum yfir.

Styrkleikar: Lið Breiðabliks er stútfullt af gæðum og leikgreind, þar eru leikmenn sem eiga oft auðvelt með að skapa marktækifæri. Fremstur er Daninn Thomas Mikkelsen sem er líklegur til að taka gullskóinn ef áætlanir ganga upp í Kópavogi. Í varnarlínunni eru Damir og Elfar Freyr sem mynduðu öflugustu vörn landsins 2018. Á pappírnum á Breiðablik nokkuð þægilega dagskrá í byrjun og möguleikar á að byrja sumarið á flugi.

Veikleikar: Óskar Hrafn er með skýra sýn á hvernig fótbolta hann vill sjá og kemur með nýja áherslu hjá liðinu. En hversu langt er liðið komið í að mótast eftir hans hugmyndum? Hléið sem kom vegna heimsfaraldursins gætu hafa hægt á þróuninni. Blikar voru gagnrýndir fyrir það í fyrra að missa hausinn þegar á móti blés og það er eitthvað sem þarf að lagast hjá liðinu.

Lykilmenn: Damir Muminovic og Thomas Mikkelsen. Damir er í hjarta varnarinnar en hann hefur verið algjör lykilmaður í liðinu undanfarin ár. Mikkelsen er refur í fremstu víglínu en hann er með 23 mörk í 31 leik í efstu deild í Breiðablikstreyjunni.

Gaman að fylgjast með: Anton Ari Einarsson er tekinn við sem aðalmarkvörður Breiðabliks af Gunnleifi Gunnleifssyni og mun vera í sviðsljósinu í sumar. Í uppleggi Óskars á markvörðurinn að taka virkan þátt í spilamennsku liðsins. Útlit er fyrir að Viktor Karl Einarsson verði í stærra hlutverki en í fyrra en þessi 23 ára miðjumaður var í unglingaliðum AZ Alkmaar og gæti sprungið út. Þá er Róbert Orri Þorkelsson spennandi leikmaður sem kom úr Mosfellsbænum.

Spurningarnar: Hvernig gengur Blikum í nýjum áherslum Óskars? Hvað skorar Thomas Mikkelsen mörg mörk? Verður Breiðablik með fullt hús eftir fjórar umferðir?

Völlurinn: Annað tímabil Breiðabliks á gervigrasinu á Kópavogsvelli. Stúkan tekur 1.700 áhorfendur í sæti og félagið hefur staðið sig vel í að gera flotta umgjörð í kringum leiki liðsins.

Fyrirliðinn segir - Höskuldur Gunnlaugsson
„Þessi spá kemur svo sem ekki á óvart. Það er alveg klárt að við ætlum okkur að gera atlögu að þeim stóra. Það var þokkalega hátt tempó í æfingaleiknum gegn Val og það kom skemmtilega á óvart. Miðað við hlaupatölurnar erum við ekki langt á eftir þrátt fyrir allar þessa vikur án þess að spila. Það þarf aðeins að fínpússa taktinn í uppspilinu og í stöðum á vellinum. Það er annar alvöru æfingaleikur gegn HK á sunnudaginn og við ættum að koma í fínasta leikformi inn í mót miðað við aðstæður. Það er gríðarlega mikil tilhlökkun fyrir tímabilinu."

Komnir:
Anton Ari Einarsson frá Val
Brynjar Atli Bragason frá Njarðvík
Kwame Quee frá Víkingi R. (Var á láni)
Kristinn Steindórsson frá FH
Oliver Sigurjónsson frá Bodö/Glimt
Róbert Orri Þorkelsson frá Aftureldingu

Farnir:
Alfons Sampsted í Norrköping (Var á láni)
Guðmundur Böðvar Guðjónsson
Ólafur Íshólm Ólafsson í Fram
Þórir Guðjónsson í Fram
Hlynur Örn Hlöðversson

Fyrstu fimm leikir Breiðabliks:
14. júní Breiðablik - Grótta
21. júní Fylkir - Breiðablik
29. júní Breiðablik - Fjölnir
5. júlí KA - Breiðablik
8. júlí Breiðablik - FH

Sjá einnig:
Hin hliðin - Brynjólfur Willumsson
Hin hliðin - Róbert Orri Þorkelsson

Leikmenn Breiðabliks sumarið 2020:
1 Gunnleifur Gunnleifsson
12 Anton Ari Einarsson
3 Oliver Sigurjónsson
4 Damir Muminovic
5 Elfar Freyr Helgason
6 Alexander Helgi Sigurðarson
7 Höskuldur Gunnlaugsson
8 Viktor Karl Einarsson
9 Thomas Michaelsen
10 Guðjón Pétur Lýðsson
11 Gísli Eyjólfsson
16 Róbert Orri Þorkelsson
18 Arnar Sveinn Geirsson
20 Kristinn Steindórsson
21 Viktor Örn Margeirsson
23 Stefán Ingi Sigurðarson
25 Davíð Ingvarsson
30 Andri Yeoman
31 Benedikt V Warén
45 Brynjólfur Andersen Willumsson
62 Ólafur Guðmundsson
77 Kwame Quee

Spámennirnir: Arnar Daði Arnarsson, Benedikt Bóas Hinriksson, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Ingólfur Sigurðsson, Magnús Már Einarsson, Sverrir Einarsson, Sæbjörn Þór Þórbergsson Steinke, Tómas Þór Þórðarson
Athugasemdir
banner
banner