Barcola í hóp á morgun - „Langaði mjög mikið í Liverpool“

Þegar tölurnar eru skoðaðar
Við fyrstu sýn virðist Barcola vera arftaki fyrir Luis Díaz en Liverpool ákvað ekki að fá leikmann beint til að fylla hans skarð fyrir ári síðan. Samkvæmt tölfræði Opta eru mikil líkindi með þeim tveimur.

Aðalstaða Barcola er vinstri kantur en hann spilaði sem framherji til 17 ára aldurs, sem endurspeglast í hreyfingum hans og skotvali. Síðasta tímabil átti hann að meðaltali 3,5 skot á hverjum 90 mínútum í frönsku deildinni. Iraola segir Barcola vel geta spilað á hægri kanti einnig.

Hann skoraði ellefu mörk en var með 9,83 í væntum mörkum (xG). Enginn leikmaður PSG eða vængmaður í deildinni náði hærra xG samtals á tímabilinu 2025-26.

Ánægður með að halda Gakpo
Hollenski landsliðsmaðurinn Cody Gakpo var orðaður við Manchester City en fór ekkert og verður áfram í búningi Liverpool.

„Cody er mjög klókur leikmaður. Samband mitt við hann hefur verið opinskátt frá upphafi. Hann hefur staðið sig mjög vel með okkur, í öllum leikjum undirbúningstímabilsins, í öllum leikjunum. Hann skoraði í fyrsta leiknum og lagði upp í þeim næsta. Ég er ánægður með að halda honum," segir Iraola.

„Mér líður mun betur núna þegar búið er að loka markaðnum. Við vitum hvað við höfum, við erum með fullt af hæfileikum. Nú þurfum við bara að standa okkur, sýna frammistöðu og vinna okkar vinnu."