Tottenham Hotspur lagði Leeds að velli, 2-1, í 7. umferð ensku úrvalsdeildarinnar á Elland Road í hádegisleiknum í dag.

Leedsarar voru sterkari aðilinn snemma leiks. Joe Rodon átti skalla í slá eftir aukaspyrnu frá vinstri vængnum en skömmu síðar komst Tottenham yfir algerlega gegn gangi leiksins.

Mohammed Kudus kom boltanum fram völlinn á Mathys Tel. Hann átti eftir að gera fullt. Frakkinn var með varnarmann í sér áður en hann ákvað að láta bara vaða. Boltinn hrökk af varnarmanni Leeds, breytti um stefnu og fór framhjá Karl Darlow í markinu.

Tel að skora sitt fyrsta mark á tímabilinu og opnaði þetta mark leikinn upp á gátt.

Dominic Calvert-Lewin átti dauðafæri hinum megin á vellinum stuttu eftir markið en setti skotið hátt yfir og lék Kudus sama leik skömmu síðar.

Leedsarar voru hættulegir fram á við og náðu loks í jöfnunarmark þegar 34 mínútur voru komnar á klukkuna. Brenden Aaronson tók skot sem Guglielmo Vicario varði til hliðar. Noah Okafor stakk sér fram fyrir Destiny Udogie og spyrnti boltanum nokkuð þægilega í netið.

Það vakti athygli að í þann mund sem Okafor skaut boltanum í netið rúllaði annar plastbolti í átt að markinu, en hann hafði þó ekki bein áhrif á leikinn.

Tel var nálægt því að bæta við öðru marki sínu undir lok fyrri hálfleiks en boltinn í þverslá. Staðan í hálfleik 1-1, en sigurmark Tottenham kom snemma í þeim síðari.

Það gerði nýi maðurinn Kudus eftir skemmtilegan einleik á hægri vængnum. Hann vann boltann, keyrði í átt að teignum og plataði Darlow upp úr skónum með því að skjóta föstu skoti í nærhornið.

Mark og stoðsending hjá Kudus. Alger draumaframmistaða, en markið var það fyrsta sem hann skorar í treyju Tottenham og stoðsendingin sú fimmta í deildinni.

Leedsarar þjörmuðu að Tottenham þegar leið á hálfleikinn. Sean Longstaff átti hörkuskot sem fór rétt framhjá og þá varði Vicario frábærlega frá Joel Piroe í uppbótartíma.

Tottenham fer upp í annað sæti deildarinnar með 14 stig en Leeds í 12. sæti með 8 stig. Þetta er þá fyrsta deildartap Leeds á Elland Road í 23 leikjum.