Það er smit í hópnum hjá Barcelona
Spænska félagið Barcelona tilkynnti í gær að tveir úr þjálfaraliði félagsins eru með kórónaveiruna. Þeir fara í aðra skimun hjá félaginu í dag.
Barcelona átti að vera með æfingu í dag en henni hefur verið frestað vegna öryggisráðstafana.
Ronald Koeman, þjálfari liðsins, átti þá að vera með blaðamannafund í dag en honum hefur verið aflýst.
Þjálfararnir tveir greindust með veiruna í gær og var því ákveðið að bregðast við með að hætta við æfingu en liðið mætir Athletic Bilbao í deildinni á miðvikudag.
Athugasemdir
