Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   fös 05. júní 2020 17:00
Magnús Már Einarsson
Ægir fær fjóra leikmenn (Staðfest)
Mynd: Fótbolti.net - Einar Ásgeirsson
Ægir hefur fengið fjóra leikmenn á láni fyrir tímabilið sem er að fara af stað núna um helgina.

Viktor Marel Kjærnested og Patryk Hryniewicki koma á láni frá Leikni Reykjavík.

„Viktor er kraftmikill og áræðinn sóknarmaður. Patryk er stór og stæðilegur varnarmaður og bindum við vonir við þessa spennandi leikmenn," segir í tilkynningu frá Ægi.

„Einnig höfum við aftur fengið kantmanninn Sigurð Óla Guðjónsson og fjölhæfa varnar og miðjumanninn Anton Breka Viktorsson á láni frá Selfyssingum en þeir léku einnig með okkur á síðasta tímabili og hjálpuðu okkur að vinna 4. deildina."

Ægir spilar í 3. deildinni í sumar en liðið mætir Þrótti Vogum í fyrstu umferð Mjólkurbikarsins á morgun.
Athugasemdir
banner
banner
banner
banner
banner