Völsungur vann sex af síðustu átta og setti met

Hann tók við liðinu þegar það var með tvö stig en Völsungur komst á mikið flug á endasprettinum.

„Ef ég er hreinskilinn þá nálgaðist ég þennan leik eins og hvern annan leik. Við erum búnir að spila úrslitaleiki allt frá því að ég kom til Húsavíkur, þannig að þetta var bara enn einn úrslitaleikurinn. Ég kom þegar liðið var aðeins með tvö stig og á botninum, en við enduðum með 26 stig, sem er met hjá félaginu,” sagði Borja við Fótbolta.net í dag.

Liðið vann sex af síðustu átta leikjum sínum og bjargaði sér endanlega frá falli í lokaumferðinni í dag með sigri á Gróttu. Töpin komu á útivelli gegn Njarðvík og Fylki sem fara í umspilið. Magnaður árangur og á sama tíma slær Völsungur félagsmet með því að ná í 26 stig.