Byrjunarlið KR og Vals: Dagur Orri og Frederik byrja - Jónatan Ingi á bekknum

Búið er að opinbera byrjunarliðin. Óskar Hrafn byrjar áfram með Arnar Frey Ólafsson í markinu. Þeir Michael Akoto og Finnur Tómas eru þar fyrir framan.

Það vekur athygli að Hrafn Tómasson er í byrjunarliði KR en hann var á láni hjá Þrótti síðasta sumar. Þeir Aron Sigurðarson og Arnór Ingvi Traustason eru jafnframt báðir í byrjunarliði Vesturbæinga.

Hermann Hreiðarsson byrjar með Frederik Schram í markinu en hann hefur verið að glíma við meiðsli á undirbúningstímabilinu.

Þá byrjar Dagur Orri Garðarsson fremstur, en hann gekk til liðs við félagið frá HK í vetur. Jónatan Ingi Jónsson byrjar á bekknum en hann hefur verið að glíma við meiðsli.