Byrjunarlið KA og Grindavíkur: Fjórar breytingar hjá KA - Guðjón Pétur á bekknum

Liðin eru bæði særð eftir leikina í síðustu viku en KA tapaði 4-0 gegn Stjörnunni og Grindavík tapaði toppslag gegn Aftureldingu 3-0.

Það eru fjórar breytingar á liði KA í dag. Birgir Baldvinsson, Ásgeir Sigurgeirsson, Sveinn Margeir Hauksson og Harley Willard koma inn í liðið. Daníel Hafsteinsson, Elfar Árni Aðalsteinsson, Þorri Mar Þórisson og Jakob Snær Árnason setjast á bekkinn.

Aron Dagur Birnuson fyrrum markvörður KA er að venju í marki Grindavíkur. Tómas Orri Róbertsson, Viktor Guðberg Hauksson og Dagur Örn Fjelsted koma inn í liðið. Guðjón Pétur Lýðsson og Dagur Ingi Hammer Gunnarsson setjast á bekkinn en Marinó Axel Helgason er ekki í hóp.