Henderson þarf í aðgerð eftir skiltahoppið misheppnaða

Miðjumaðurinn reynslumikli Jordan Henderson mun ekki koma frekar við sögu á HM en hann meiddist illa á úlnlið eftir sigur Englands gegn Mexíkó.

Hann var að hoppa yfir auglýsingaskilti þegar hann rann eitthvað til og lenti illa með þeim afleiðingum að hann var fluttur á sjúkrahús og þarf að gangast undir aðgerð. Hann ferðaðist ekki með liðinu aftur í bækistöðvar þess heldur varð eftir á sjúkrahúsinu í Mexíkó.

Óhappið átti sér stað eftir að enska liðið hafði sungið Wonderwall með fólkinu í stúkunni.

Henderson, sem er 36 ára leikmaður Brentford, hefur aðeins spilað sex mínútur á HM og það var gegn Panama.