Sterkastur í 22.umferð - Gaman að vinna KR, ekkert betra

Skagamenn unnu KR-inga sannfærandi í dag á Elkem vellinum á Akranesi. Viktor Jóns var geggjaður, og setti þrennu í dag.

„Bara frábær, maður nærist á mörkum, maður er búinn að bíða lengi eftir eftir hérna þessu, maður hefði alveg viljað hérna skora fleiri mörk í sumar og að bæta þau upp í þessum leik og sérstaklega á móti KR. Ég vil bara alls ekki ljúga að því, bara geðveikt."

Skagamenn virtust hafa öll tök á vellinum frá upphafi til enda.
KR-ingar færðu sig mikið ofar í síðari hálfleik og var þá nóg pláss fyrir ÍA.

„Þeir voru alveg gríðarlega opnir til baka hérna þegar þeir fóru að reyna að sækja á fleiri mönnum og ýta liðinu hærra og Arnar Freyr kom náttúrulega inn í í seinni hálfleik líka og hann spilar bara þannig leik að hann stendur svo afskaplega hátt, þannig að mér fannst vera tækifæri til að bæta við mörkum í þessum leik sko. Þetta var leikur af okkar hálfu, ég er mjög sáttur."

Viðtalið í heild sinni er hér fyrir ofan.