2. deild kvenna: Vestri vann yfirburðasigur á KÞ - Raniyah með þrennu

Vestri vann stórsigur á KÞ, 10-1, í 5. umferð 2. deildar kvenna á Kerecis-vellinum á Ísafirði í dag.

Raniyah Ajanai Marie Burton skoraði þrennu fyrir Vestra, sem lenti þó óvænt undir eftir átján mínútna leik.

Þóra Guðrún Einarsdóttir Briem kom KÞ yfir, en Vestri svaraði með fimm mörkum áður en flautað var til hálfleiks.

Heimakonur bættu við fimm mörkum í síðari hálfleik. Raniyah fullkomnaði þrennu sína á 54. mínútu og Racel Angelina Bastone skoraði sitt annað mark fimm mínútum síðar.

Jayla Finley Ponce skoraði tvö mörk á fjórtán mínútna kafla áður en Briana Carrington Myers rak síðasta naglann í kistu KÞ.

Þetta var þriðji sigur Vestra í deildinni. Liðið er með 11 stig í 4. sæti, en KÞ er með 4 stig í 9. sæti.