Tveggja leikja bann Sowe kom Linta á óvart - Spenntur fyrir fyrstu Þjóðhátíðinni

„Ég sá þetta og mér fannst ekkert sérstakt vera í þessu. Þetta kom mér á óvart að þeir hefðu gefið honum tveggja leikja bann,“ sagði Aleksandar Linta, þjálfari ÍBV í viðtali við Fótbolta.net í gær.

Hann mun sömuleiðis ekki verða til taks gegn Fram í næstu umferð sem er Þjóðhátíðarleikurinn.

Þá munu Eyjamenn endurheimta Milan Tomic sem var í leikbanni í gær eftir að hafa fengið sitt sjöunda gula spjald á tímabilinu gegn KA.

Linta hlakkar til að taka þátt í Þjóðhátíðarleiknum en hann sækir hátíðina í fyrsta sinn, rétt eins og Rúnar Kristinsson, þjálfari Fram, sem sagði frá því í viðtali við Sýn á dögunum.

„Þetta verður mín fyrsta Þjóðhátíð og fyrsti leikur sem ég tek þátt á meðan hátíðinni stendur. Ég er mjög spenntur að koma til baka í þennan leik eftir þetta tap,“ sagði Linta í gær.