Harry Kane skoraði og klúðraði víti gegn Tottenham
Harry Kane skoraði og klúðraði vítaspyrnu í 4-0 stórsigri Bayern München á gömlu félögum hans í Tottenham í æfingaleik á Allianz-Arena í München í kvöld.
Þetta var í annað sinn sem Kane mætir Tottenham síðan hann yfirgaf félagið fyrir tveimur árum.
Hann lék gegn Tottenham á sama tíma á síðasta ári en tókst ekki að skora, en fyrsta mark hans gegn félaginu kom í dag.
Englendingurinn tók á móti svakalegri sendingu frá Michael Olise, dansaði aðeins með boltann í teignum áður en hann skoraði með góðu skoti.
Stuttu síðar gat hann tvöfaldað forystu Bayern er þýska liðið fékk vítaspyrnu en honum brást bogalistin og rúmlega það með því að þruma boltanum hátt yfir markið.
Kingsley Coman bætti við öðru á 61. mínútu og nokkrum mínútum síðar fór Kane og átta aðrir Bayern-menn af velli. Táningarnir Lennart Karl og Jonah Kusi Asare skoruðu tvö mörk fyrir Bayern á síðasta stundarfjórðungi leiksins og þar við sat.
Þetta var síðasti leikur Tottenham á undirbúningstímabilinu, en næst er það Paris Saint-Germain í Ofurbikar Evrópu á miðvikudag áður en liðið tekur á móti Burnley í 1. umferð ensku úrvalsdeildarinnar.
???????????????????? ???????????????????? ????????????????????????????????. ???????????? ???????????????? ????????????????????????. ???? ????
— FC Bayern (@FCBayernEN) August 7, 2025
Olise ???? Kane pic.twitter.com/NgzYMBr4an
Kane vs Spurs ???????????? pic.twitter.com/Z5Z0xxeP5R
— (fan) ????????????????????????’???? ???????????????? ????????????? (@AmorimBalll_) August 7, 2025
Athugasemdir
