Jackson Martinez til Porto (Staðfest)

Martinez, sem er 25 ára gamall hafði áður verið orðaður við Liverpool á Englandi, en Porto hafði betur í kapphlaupinu og skrifaði framherjinn undir fjögurra og hálfs árs samning við félagið.

Hann kemur til Porto fyrir 11 milljónir evra, en hann er sagður vera næsti Radamel Falcao, sem hljómar nokkuð furðulega í ljósi þess að Falcao er einungis einu ári eldri en Jackson Martinez.

Portúgalskir fjölmiðlar halda því þá fram að Porto hafi sett klásúlu í samning hans sem segir að honum er frjálst að fara frá félaginu fyrir 40 milljónir evra.