Þórir Jóhann eftir leikinn: Ég er mjög þreyttur

Þórir var frábær með FH-ingum í sumar og samdi síðan við ítalska B-deildarfélagið Lecce.

Hann var tekinn inn í hópinn fyrir landsleikina í september og kom með ferskleika inn í liðið. Hann var í byrjunarliðinu í kvöld og var eðlilega búinn á því eftir baráttuna gegn einu besta liði heims.

„Ég er mjög sáttur að fá tækifæri hérna og mér fannst við spila þokkalega en hundleiðinlegt að tapa. Það gerist í fótbolta og áfram gakk."

„Þetta eru mjög stór nöfn. Við spáðum ekkert í því fyrir leikinn, þetta eru bara ellefu treyjur inn á vellinum og þú ert að spila fótbolta, en að spila á móti svona stórum köllum og góðum fótboltamönnum er alltaf skemmtilegt."

Edda spurði hann út í það hvort það hafi komið honum á óvart hversu hratt hann hefur komið sér í byrjunarlið landsliðsins en þá var hann orðinn ansi þreyttur.

„Nei, alls ekki eða jújú. Ég er mjög þreyttur," sagði Þórir undir lokin.