Panenka á gjörgæslu með kórónuveiruna

Fyrrum fótboltamaðurinn Antonin Panenka er á gjörgæslu á sjúkrahúsi eftir að hafa smitast af kórónuveirunni.

Hinn 71 árs gamli Panenka vakti mikla athygli í úrslitaleik EM 1976 með landsliði Tékkóslóvakíu.

Panenka tók þá vítaspyrnu í vítaspyrnukeppni þar sem hann vippaði á mitt markið og skoraði framhjá Sepp Maier.

Um var að ræða sigurmark Tékkóslóvakíu í leiknum.

Margir þekktustu fótboltamenn í heimi hafa leikið þennan leik eftir síðan þá en þessi vítaspyrna er oft nefnd í höfuðið á Panenka.

Hér að neðan má sjá vítaspyrnuna frægu.