U19 ára landslið kvenna mætir Þýskalandi í dag á La Manga, en um er að ræða þriðja og síðasta leik liðsins í æfingaferð þar.
Stelpurnar hafa unnið báða leikina til þessa sannfærandi, 4-1 gegn Sviss og 7-1 gegn Ítalíu.
Leikurinn hefst kl. 13:00 að íslenskum tíma og verður í beinni útsendingu á Mycujoo síðu KSÍ.
Leikirnir eru liður í undirbúningi liðsins fyrir milliriðla EM 2020. Þar mætir Ísland Skotlandi, Hollandi og Rúmeníu í apríl.
Ísland og Þýskaland hafa mæst fimm sinnum í þessum aldursflokki og hafa Þjóðverjar unnið alla leikina.
Athugasemdir
