„Tilfinningin var ömurleg eftir bikarleikinn og við ætluðum að vera miklu sterkari. Við sýndum það í dag hvað það er mikill munur á þessum liðum,“ sagði Karólína Lea Vilhjálmsdóttir, leikmaður Breiðabliks, eftir 5-0 stórsigur á Fylki í Pepsi Max deild kvenna. Hún viðurkenndi að það hefði verið gott að fá tækifæri til að vinna Fylkisliðið eftir að hafa tapað óvænt fyrir þeim í bikarnum.

Lestu um leikinn: Breiðablik 5 -  0 Fylkir

Blikum tókst ekki að skora í bikarleiknum þrátt fyrir fjölmargar tilraunir en þeim tókst að brjóta ísinn strax á fimmtu mínútu í dag. Eftir það var engin spurning hvert stefndi.

„Það var mikill léttir en svo þurftum við að halda áfram,“ sagði Karólína Lea um fyrsta markið.

Sjálf var hún frábær í leiknum og lagði upp þrjú af fimm mörkum Breiðabliks. Aðspurð um eigin frammistöðu sagðist hún sátt.

„Já, en ég þarf að fara að skora,“ sagði hún létt og bætti við: „Ég er alveg brjáluð en stoðsendingar, það er fínt.“

Hægt er að horfa á allt viðtalið við Karólínu Leu í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit