Fyrir rúmri viku síðan tryggði Selfoss sér sæti í Lengjudeild karla þegar liðið innsiglaði deildarmeistaratitilinn í 2. deild.
Bjarni Jóhannsson er þjálfari Selfyssinga og hefur hann náð frábærum árangri í 2. deild síðustu ár; fór upp með Vestra, fór svo upp með Njarðvík og núna með Selfossi.
Eins og fjallað var um í síðustu viku þá hefur Robert Blakala verið í markinu hjá Bjarna í öll skiptin.
Bjarni Jóhannsson er þjálfari Selfyssinga og hefur hann náð frábærum árangri í 2. deild síðustu ár; fór upp með Vestra, fór svo upp með Njarðvík og núna með Selfossi.
Eins og fjallað var um í síðustu viku þá hefur Robert Blakala verið í markinu hjá Bjarna í öll skiptin.
Um helgina fóru svo Hafnir upp úr 5. deildinni með því að vinna Mídas í undanúrslitum úrslitakeppninnar.
Þjálfari Hafna er Sigurbergur Bjarnason sem hefur einnig spilað með liðinu í sumar.
Sigurbergur er sonur Bjarna, fæddur 1999 og var á sínum tíma unglingalandsliðsmaður. Hann fór í gegnum erfið meiðsli og fór í kjölfarið út í þjálfun eins og hann fór yfir í viðtali við Fótbolta.net í vor.
„Að hafa þetta bara einfalt, ekkert vera að flækja þetta of mikið, þetta er bara fótbolti og þetta fer eins og þetta fer. 'Taka þetta á stemningunni'," sagði Sigurbergur spurður út í ráð frá pabba sínum sem hann nýtti sér sjálfur sem þjálfari.
Athugasemdir
