mán 09. nóvember 2020 15:00
Guðmundur Aðalsteinn Ásgeirsson
Lið ársins og bestu menn í Lengjudeildinni 2020
Lengjudeildin
Joey Gibbs átti stórkostlegt sumar.
Joey Gibbs átti stórkostlegt sumar.
Mynd: Fótbolti.net - Hafliði Breiðfjörð
Vuk Oskar Dimitrijevic, efnilegasti leikmaður Lengjudeildarinnar.
Vuk Oskar Dimitrijevic, efnilegasti leikmaður Lengjudeildarinnar.
Mynd: Fótbolti.net - Hafliði Breiðfjörð
Þjálfari ársins, Sigurður Heiðar Höskuldsson.
Þjálfari ársins, Sigurður Heiðar Höskuldsson.
Mynd: Fótbolti.net - Hafliði Breiðfjörð
Fred Saraiva.
Fred Saraiva.
Mynd: Fótbolti.net - Hafliði Breiðfjörð
Guy Smit.
Guy Smit.
Mynd: Haukur Gunnarsson
Keflavík á flesta leikmenn í liði ársins.
Keflavík á flesta leikmenn í liði ársins.
Mynd: Fótbolti.net - Hafliði Breiðfjörð
Fótbolti.net hefur fylgst vel með Lengjudeildinni í sumar. Við fengum þjálfara og fyrirliða deildarinnar til að velja úrvalslið keppnistímabilsins. Hér að neðan má líta það augum en einnig voru þjálfari ársins, besti leikmaður ársins og efnilegasti leikmaður ársins valdir.



Guy Smit - Leiknir R.

Sindri Þór Guðmundsson - Keflavík
Bjarki Aðalsteinsson - Leiknir R.
Nacho Heras - Keflavík
Rúnar Þór Sigurgeirsson - Keflavík

Fred Saraiva - Fram
Davíð Snær Jóhannsson - Keflavík
Nacho Gil - Vestri

Sævar Atli Magnússon - Leiknir R.
Joey Gibbs - Keflavík
Vuk Oskar Dimitrijevic - Leiknir R.

Varamenn:
Ólafur Íshólm Ólafsson - Fram
Hlynur Atli Magnússon - Fram
Gyrðir Hrafn Guðbrandsson - Leiknir R.
Unnar Steinn Ingvarsson - Fram
Albert Hafsteinsson - Fram
Gonzalo Zamorano - Víkingur Ó.
Alvaro Montejo - Þór

Aðrir sem fengu atkvæði í úrvalsliðið:
Markverðir: Robert Blakala (Vestri), Sindri Kristinn Ólafsson (Keflavík), Vladan Djogatovic (Grindavík).
Varnarmenn: Anton Freyr Hauks Guðlaugsson (Keflavík), Aron Elí Sævarsson (Afturelding), Bjarni Ólafur Eiríksson (ÍBV), Brynjar Hlöðversson (Leiknir R.), Elias Tamburini (Grindavík), Friðrik Þórir Hjaltason (Vestri), Guðjón Ernir Hrafnkelsson (ÍBV), Gunnar Þorsteinsson (Grindavík), Haraldur Einar Ásgrímsson (Fram), Josip Zeba (Grindavík), Jón Ingason (ÍBV), Máni Austmann (Leiknir R.), Milos Ivankovic (Vestri), Orri Sigurjónsson (Þór), Ricardo Duran Barba (Vestri), Sigurjón Rúnarsson (Grindavík), Tómas Örn Arnarson (Magni).
Miðjumenn: Aron Jóhannsson (Grindavík), Daníel Finns Matthíasson (Leiknir R.), Ernir Bjarnason (Leiknir R.), Hilmar Freyr Bjartþórsson (Fram), Telmo Castanheira (ÍBV), Viktor Júlíusson (Vestri).
Sóknarmenn: Alexander Már Þorláksson (Fram), Gary Martin (ÍBV), Jason Daði Svanþórsson (Afturelding), Kári Steinn Hlífarsson (Afturelding), Kian Williams (Keflavík), Sigurður Grétar Benónýsson (Vestri).



Þjálfari ársins: Sigurður Heiðar Höskuldsson - Leiknir R.
Siggi Höskulds tók við Leikni á miðju síðasta tímabili þegar Stefán Gíslason fór til Belgíu. Hann náði frábærum árangri og byggði ofan á það á þessu tímabili. Hann er búinn að búa til mikla liðsheild og stýrði Leikni upp í efstu deild í annað sinn í sögu félagsins.
Aðrir sem fengu atkvæði sem þjálfari ársins: Bjarni Jóhannsson (Vestri), Eysteinn Húni Hauksson og Sigurður Ragnar Eyjólfsson (Keflavík), Jón Sveinsson (Fram).

Leikmaður ársins: Joey Gibbs - Keflavík
Joey er ástralskur sóknarmaður sem gekk í raðir Keflavíkur fyrir tímabil og hann smellpassaði inn í leik liðsins. Hann raðaði inn mörkunum fyrir Keflvíkinga og var með 21 mark í 19 leikjum þegar mótið var flautað fyrir viku síðan. Það töluðu allir um Gary Martin fyrir mót en eftir mót er Joey Gibbs sá umtalaði. Algerlega frábær í sumar og verður með Keflavík í Pepsi Max-deildinni næsta sumar.
Aðrir sem fengu atkvæði sem leikmaður ársins: Fred Saraiva (Fram), Rúnar Þór Sigurgeirsson (Keflavík), Vuk Oskar Dimitrijevic (Leiknir R.).

Efnilegastur: Vuk Oskar Dimitrijevic - Leiknir R.
Fór mikinn í liði Leiknismanna í sumar og hjálpaði sínu uppeldisfélagi að komast upp í efstu deild. Hann spilar með FH næsta sumar. Vuk er gríðarlega öflugur sóknarsinnaður leikmaður sem hefur tekið miklum framförum á síðustu árum. Hann var átta sinnum valinn í lið umferðarinnar í Lengjudeildinni í sumar og það segir í rauninni alla söguna.
Aðrir sem fengu atkvæði sem efnilegastur: Daníel Finns Matthíasson (Leiknir R.), Davíð Snær Jóhannsson (Keflavík), Sævar Atli Magnússon (Leiknir R.).


Ýmsir molar:
- Keflavík, sigurvegarar Lengjudeildarinnar, eiga flesta í liði ársins eða fimm talsins. Leiknismenn eiga fjóra og svo eiga Fram og Vestri sitt hvorn leikmanninn.

- Nacho Heras er í liði ársins annað árið í röð. Í fyrra lék hann með Leikni Reykjavík.

- Fred Saraiva var í fyrra á bekknum í liði ársins. Í ár er hann í byrjunarliðinu.

- Það var mikil spenna í valinu á leikmanni ársins og þeim efnilegasta í fyrra, en það var ekki þannig núna. Joey Gibbs og Vuk Oskar unnu með yfirburðum.

- Vuk var valinn efnilegastur og hann var í öðru sæti á eftir Gibbs í valinu á besta leikmanninum.

- Davíð Snær Jóhannsson var í öðru sæti í valinu á efnilegasta leikmanninum.

- Það var mikil spenna í valinu á þjálfara ársins og hefðu þeir allir verið vel að verðlaununum komnir.

- Enginn leikmaður Þróttar eða úr Leikni Fáskrúðsfirði fékk atkvæði í lið ársins.

- Alls fengu 50 leikmenn atkvæði í lið ársins.

- Gibbs fékk öll þau atkvæði sem hann mögulega gat fengið í lið ársins.
Athugasemdir
banner
banner
banner