Þýskaland: Leipzig missteig sig í toppbaráttunni

RB Leipzig og Borussia Mönchengladbach gerðu markalaust jafntefli í 10. umferð þýsku deildarinnar í dag.

Gladbach fékk bestu færin í fyrri hálfleiknum og eiginlega með ólíkindum að liðið hafi ekki skorað eitt eða tvö.

Ungverski markvörðurinn Peter Gulacsi hafði í nógu að snúast í markinu og varði frá Tim Kleindienst og síðan skalla Marvin Friedrich áður en Franck Honoroat setti boltann í þverslá.

Leipzig fór ekki að ógna mark gestanna fyrr en á lokakaflanum en markið kom ekki.

Heimamenn virða líklega stigið en á sama tíma þýðir þetta að Bayern München er nú með fimm stiga forystu á Leipzig sem er í öðru sæti deildarinnar.