Spænski konungsbikarinn: La Liga-liðin þurftu að hafa fyrir hlutunum

Real Betis vann 3-2 baráttusigur á Navalcarnero, sem leikur í C-deildinni á Spáni.

Rodrigo Riquelme skoraði tvö mörk fyrir Betis, þar á meðal sigurmarkið í framlengingu. Isco brenndi síðan af vítaspyrnu í síðari hálfleik framlengingarinnar og þá fékk framherjinn Aitor Ruibal sitt annað gula spjald og þar með rautt.

Betis tókst þó að halda út og tryggja sér sæti í næstu umferð, rétt eins og Levante sem marði 2-1 endurkomusigur á Tarancon úr D-deildinni.

Tarancon komst yfir á 53. mínútu, en Petar Ratkov jafnaði metin þegar tíu mínútur voru eftir af venjulegum leiktíma.

Það stefndi allt í vítaspyrnukeppni þegar Dela steig á punktinn í blálok framlengingarinnar og skoraði sigurmark Levante.

Navalcarnero 2 - 3 Betis
0-1 Rodrigo Riquelme ('5 )
1-1 Alvaro Leis ('49 )
2-1 Kensly Vazquez ('79 )
2-2 Rodrigo Marina ('90 )
2-3 Rodrigo Riquelme ('96 )
Rautt spjald:Aitor Ruibal , Betis ('118)

Tarancon 1 - 2 Levante
1-0 Sergio Nieto ('53 )
1-1 Petar Ratkov ('80 )
1-2 Dela ('120 )