| lau 10.sep 2022 13:11 Mynd: Fótbolti.net - Hafliði Breiðfjörð |
|
Lið ársins og bestu menn í Lengjudeildinni 2022
Fótbolti.net hefur fylgst grannt Lengjudeildinni í sumar eins og önnur tímabil. Fréttaritarar síðunnar og sérfræðingar hafa valið úrvalslið keppnistímabilsins og var það opinberað á X977 í hádeginu. Enn er tveimur umferðum ólokið en úrslitin eru ráðin; Fylkir og HK spila í Bestu deildinni á næsta ári. Hér að neðan má líta úrvalsliðið augum en einnig voru þjálfari ársins, besti leikmaður ársins og efnilegasti leikmaður ársins valdir.
Ómar Ingi Guðmundsson (HK) er þjálfari ársins.
Kjartan Kári Halldórsson (Gróttu) er efnilegastur.
Ólafur Kristófer Helgason - Fylkir
Bruno Soares - HK
Leifur Andri Leifsson - HK
Ásgeir Eyþórsson - Fylkir
Ívar Örn Jónsson - HK
Lúkas Logi Heimisson - Fjölnir
Marciano Aziz - Afturelding
Arnór Gauti Jónsson - Fylkir
Kjartan Kári Halldórsson - Grótta
Stefán Ingi Sigurðarson - HK
Mathias Laursen - Fylkir
Varamenn:
Jón Ívan Rivine - Grótta (m)
Arnar Þór Helgason - Grótta
Atli Arnarson - HK
Gonzalo Zamorano - Selfoss
Benedikt Daríus Garðarsson - Fylkir
Þórður Gunnar Hafþórsson - Fylkir
Alexander Már Þorláksson - Þór
Þjálfari ársins: Ómar Ingi Guðmundsson - HK
Brynjar Björn Gunnarsson fór til Svíþjóðar í maí og Ómar Ingi tók þá við stýrinu og kláraði það verkefni að koma HK aftur upp. Eins og Ómar hefur sagt sjálfur þá á Brynjar risastóran þátt í þessum árangri en Ómar sýndi gríðarlega fagmennsku og ljóst að þessi ungi þjálfari er mjög öflugur.
Leikmaður ársins: Ásgeir Eyþórsson - Fylkir
Miðvörðurinn hávaxni hefur borið fyrirliðabandið hjá Fylki og liðið hefur fengið á sig fæst mörk allra liða í deildinni. Auk þess hefur liðið skorað flest mörk allra og þar hefur hinn 29 ára gamli Ásgeir líka náð að leggja sitt lóð á vogarskálarnar og er með fjögur mörk.
Efnilegastur: Kjartan Kári Halldórsson - Grótta
Þessi 19 ára sóknarleikmaður hefur farið á kostum á tímabilinu og mikið verið í umræðunni. Hann er með 14 mörk í deildinni þetta tímabilið en enginn leikmaður hefur skorað meira. Kjartan er Gróttumaður í húð og hár og hefur spilað fyrir U16 og U19 landslið Íslands. Ljóst er að félög í Bestu deildinni horfa löngunaraugum til hans.
