banner
   sun 11. apríl 2021 16:23
Guðmundur Aðalsteinn Ásgeirsson
Mark tekið af Man Utd - „Hvíl í friði fótbolti"
Son lá eftir.
Son lá eftir.
Mynd: Getty Images
Núna er í gangi leikur Tottenham og Manchester United í ensku úrvalsdeildinni.

Það styttist í að það verði flautað til hálfleiks en staðan er 1-0 fyrir Tottenham.

Son Heung-min skoraði mark Tottenham stuttu eftir að það var mark dæmt af Man Utd. Edinson Cavani skoraði en markið var dæmt af eftir VAR-skoðun. Það var metið sem svo að Scott McTominay hefði brotið á Son í aðdragandanum.

Hægt er að sjá hvers vegna markið var dæmt af með því að smella hérna. McTominay var á gulu spjaldi en fékk ekki seina gula spjaldið.

„Hvíl í friði fótbolti," skrifar norski blaðamaðurinn Fredrik Filtvedt sem fjallar um Man Utd mikið. Honum fannst greinilega ekki vera mikið að þessu.

Það er óhætt að segja að stuðningsmenn Manchester United séu ekki sáttir með þetta. Það stráði salti í sárin að Son skoraði stuttu síðar.









Athugasemdir
banner
banner
banner
banner