Hinn 17 ára Karamoko Dembele í leiknum í gær.
Skoski úrvalsdeildarleikurinn milli Celtic og Hibernian fór fram í Glasgow í gær, þrátt fyrir að þrettán leikmenn og þjálfarateymi Celtic væru í sóttkví.
Celtic, með varaliðið sitt, komst yfir með frábærri aukaspyrnu David Turnbull og allt stefndi í sigur liðsins en Hibernian jafnaði í 1-1 í uppbótartíma og urðu það lokatölur leiksins.
Celtic, með varaliðið sitt, komst yfir með frábærri aukaspyrnu David Turnbull og allt stefndi í sigur liðsins en Hibernian jafnaði í 1-1 í uppbótartíma og urðu það lokatölur leiksins.
Celtic er í öðru sæti skosku úrvalsdeildarinnar en liðið er 21 stigi frá grönnum sínum og erkifjendum í Rangers sem tróna á toppnum. Steven Gerrard, fyrrum fyrirliði Liverpool, er stjóri Rangers.
Franski varnarmaðurinn Christopher Jullien greindist með Covid-19 og í kjölfarið fóru alls þrettán leikmenn Celtic í sóttkví ásamt Neil Lennon, stjóra liðsins, og aðstoðarmanni hans.
Celtic fór í æfingaferð til Dúbaí í vetur en sú ferð hefur fengið mikla gagnrýni í Skotlandi. Öll önnur lið landsins héldu sig heima vegna heimsfaraldursins.
David Turnbull kom Celtic yfir.
Athugasemdir
