Þremur leikjum lauk rétt í þessu í Evrópudeildinni. Leikið var í Grikklandi, Skotlandi og í Þýskalandi.

Við byrjum í Grikklandi þar sem Wolves var í heimsókn hjá Olympiakos. Grikkirnir urðu manni færri á 28. mínútu þegar Ruben Semedo tók Diego Jota niður við eigin vítateig. Staðan var markalaus í hálfleik en heimamenn komust þó yfir í leiknum. Youssef El Arabi skoraði á 54. mínútu en Pedro Neto sá til þes að Wolves náði allavega inn útivallarmarki með skoti sem fór af varnarmanni og í netið. 1-1 niðurstaðan í Grikklandi.

Á Ibrox tók Rangers á móti Leverkusen. Gestirnir komust í 0-2 áður en George Edmundson minnkaði muninn. Leon Bailey kom Leverkusen í tveggja marka forystu á ný skömmu fyrir leikslok og Leverkusen í góðri stöðu fyrir seinni leikinn, 1-3 niðurstaðan.

Í Wolfsburg tóku heimamenn á móti Shakhtar. Junior Moraes kom gestunum yfir á 17. mínútu en John Brooks jafnaði leikinn á 48. mínútu. Rúmum stundarfjórðungi fyrir leikslok skorað Marcos Antonio sigurmarkið og var það fyrir Shakhtar. Bæði lið klikkuðu á vítaspyrnu i leiknum.

Shakhtar og Leverkusen eru því með forskot fyrir seinni leikinn en jafnt er hjá Olympiakos og Wolves.