Ejub Purisevic.
,,Við spiluðum ekki illa í fyrri hálfleik, við vorum bara ekki með," sagði Ejub Purisevic þjálfari Víkings Ólafsvíkur eftir 3-2 tap liðsins gegn Stjörnunni í kvöld.
Algjör einstefna var í fyrri hálfleik þar sem Stjarnan komst í 2-0. Ólafsvíkingar hresstus hins vegar eftir hálfleiksræðu Ejubs.
Algjör einstefna var í fyrri hálfleik þar sem Stjarnan komst í 2-0. Ólafsvíkingar hresstus hins vegar eftir hálfleiksræðu Ejubs.
,,Ég er ekkert að fela það, ég sagði þeim að skammast sín fyrir fyrri hálfleikinn. Við komum til baka og fengum færi og það var jafnvægi í leiknum. Það er bara sorlegt að fá svona mörk á sig."
Ejub vill meina að Ólafsvíkingar hafi átt fínan möguleika á að stela stigi. ,,Ég var súr yfir því. Í stöðunni 2-1 fannst mér við geta stolið allavega einu stigi."
Næsti leikur Víkings er gegn Keflavík á fimmtudag en bæði lið eru ennþá án stiga.
,,Við erum með rosalega marga leikmenn sem eru að stíga sín fyrstu skref í þessari deild. Hver einasti leikur verður mjög erfiður. Ég vona að við lærum sem fyrst, lærum að fækka mistökum og spila til að fá úrslit. Ekki endilega spila fínan fótbolta eða þannig. Tíminn er naumur og við höfum ekki tíma, við verðum að læra á þessari göngu."
Hér að ofan má sjá viðtalið í heild sinni.
Við biðjumst afsökunar á smávægilegum hljóðtruflunum í vðitalinu.
