12.05.20 - 20:00
Guðmundur Aðalsteinn Ásgeirsson
Andri Rúnar, Sandra og Sara fá að byrja aftur í Þýskalandi
Sara er á toppnum í Þýskalandi með Wolfsburg, en eftir tímabilið gæti hún verið á leið til Lyon í Frakklandi.
Mynd: Fótbolti.net - Hafliði Breiðfjörð
Sara er á toppnum í Þýskalandi með Wolfsburg, en eftir tímabilið gæti hún verið á leið til Lyon í Frakklandi.
Mynd: Fótbolti.net - Hafliði Breiðfjörð
Keppni í úrvalsdeild karla í Þýskalandi hefst um helgina, en einnig er búið að ákveða dagsetningu fyrir úrvalsdeild kvenna og C-deild karla þar sem nokkur Íslendingalið má finna.
Angela Merkel, kanslari Þýskalands, samþykkti í síðustu viku að gefa grænt ljós á að hefja aftur leik í þýska boltanum.
Þýska deildin verður sú fyrsta af fimm stærstu deildum Evrópu til að fara aftur af stað síðan keppni var hætt vegna kórónaveirufaraldursins.
Nú hefur einnig verið ákveðið að C-deild karla í Þýskalandi hefjist þann 26. maí næstkomandi og hún verði kláruð 30. júní. Stefnt er á að hefja aftur keppni í úrvalsdeild kvenna 29. maí.
Andri Rúnar Bjarnason er á mála hjá Kaisterslautern í C-deild karla og í úrvalsdeild kvenna spilar Sara Björk Gunnarsdóttir með Wolfsburg og Sandra María Jessen með Bayer Leverkusen. Sara og stöllur hennar eru á toppi deildarinnar og taplausar eftir 16 leiki.
Þá segir í grein Sportbuzzer að stefnt verði á að klára bikarkeppni karla í byrjun júlí og að undanúrslitin fari þá fram 9. og 10. júní.
Þýska deildin verður sú fyrsta af fimm stærstu deildum Evrópu til að fara aftur af stað síðan keppni var hætt vegna kórónaveirufaraldursins.
Nú hefur einnig verið ákveðið að C-deild karla í Þýskalandi hefjist þann 26. maí næstkomandi og hún verði kláruð 30. júní. Stefnt er á að hefja aftur keppni í úrvalsdeild kvenna 29. maí.
Andri Rúnar Bjarnason er á mála hjá Kaisterslautern í C-deild karla og í úrvalsdeild kvenna spilar Sara Björk Gunnarsdóttir með Wolfsburg og Sandra María Jessen með Bayer Leverkusen. Sara og stöllur hennar eru á toppi deildarinnar og taplausar eftir 16 leiki.
Þá segir í grein Sportbuzzer að stefnt verði á að klára bikarkeppni karla í byrjun júlí og að undanúrslitin fari þá fram 9. og 10. júní.
Andri Rúnar Bjarnason.
Mynd: Getty Images
Sandra María Jessen.
Mynd: Mirko Kappes
