Búið er að skoða ökklameiðsli Mohamed Salah og hefur verið ákvörðun tekin um að hann fái hvíld í landsleikjahlénu. Frá þessu greinir Liverpool Echo.

Hann mun því ekki taka þátt í landsleikjum Egyptalands gegn Keníu og Kómoreyjum í undankeppni Afríkumótsins.

Salah meiddist á ökkla eftir tæklingu frá Hamza Choudhury í 2-1 sigri gegn Leicester City. Meiðslin versnuðu í 3-1 sigri gegn Manchester City um helgina eftir að Fernandinho tæklaði hann í fyrri hálfleik.

Hann er því tæpur fyrir næsta leik Liverpool sem er á útivelli gegn Crystal Palace.

Aðrir enskir fjölmiðlar greina þó frá því að samkvæmt þeirra heimildum sé Salah ekki búinn að gangast undir frekari skoðun á ökklanum.

Tweet

Senda a Facebook Hafdu samband Senda frétt Prenta frétt Frétta leit