Jakub Jankto kominn úr skápnum
Mynd: Getty Images
Mynd: Getty Images
Tékkneski landsliðsmaðurinn Jakub Jankto hefur tilkynnt heiminum að hann sé samkynhneigður.
Þetta eru gífurlega stórar fréttir í ljósi þeirra djúpu fordóma sem hafa lengi ríkt innan fótboltaheimsins. Samkynhneigðir fótboltamenn sem leika á hæsta stigi hafa sjaldan eða aldrei viðurkennt samkynhneigð sína vegna fordóma.
Nú gæti þetta verið að breytast og er Jankto að taka stórt skref fyrir baráttu samkynhneigðra í fótbolta.
Jankto er 27 ára gamall miðjumaður Getafe sem leikur á láni hjá Sparta Prag í heimalandinu. Jankto á einnig leiki að baki fyrir Udinese, Sampdoria og Ascoli á Ítalíu auk þess að eiga 45 landsleiki fyrir Tékkland.
— Jakub Jankto (@jakubjanktojr) February 13, 2023
