Fotbolti.net
13.03.18 - 14:55
Elvar Geir Magnússon

Fram semur við brasilískan sóknarmann (Staðfest)

Pedro Hipólito, þjálfari Fram, ásamt sóknarmanninum Fred.

Pedro Hipólito, þjálfari Fram, ásamt sóknarmanninum Fred.

Canon

Mynd: Fram

22 ára gamall sóknarmaður frá Brasilíu, Frederico Saraiva, hefur skrifað undir samning við Fram í Inkasso-deildinni.
Fred, eins og hann er kallaður, hefur spilað með Sao Paulo RS, Gremio og Operario Ferroviario og hann hefur skorað 12 mörk í 32 leikjum.

„Tilkoma Fred til Fram verður til með samstarfi við hina öflugu umboðsskrifstofu Etiminanbrazil sem rekin er af Valdir Sousa sem er vel þekktur í knattspyrnuheiminum. Frá þessu umboðsfyrirtæki hafa farið tugir leikmanna til miðausturlanda og asíu. Fred er hins vegar fyrsti leikmaðurinn sem Etiminanbrazil setur á samning í Evrópu,\" segir í tilkynningu frá Fram.

Fram hefur ekki áður samið við brasilískan leikmann og verður mjög spennandi að sjá hvernig honum gengur að aðlagast aðstæðum hér á landi. Þess má geta að Fred fór úr 32 stiga hita í Sao Paulo og lenti í 4 gráðu frosti í Keflavík. Viðbrigðin eru því umtalsverð.

„Það eru þegar farin að sjást skemmtileg tilþrif á æfingum, Fred er lágvaxinn, mjög hraður, og afar leikinn. Tilkoma hans mun gefa þjálfaranum meiri breidd í hópinn og auka sóknarkraftinn í sumar. Við bjóðum þennan geðþekka leikmann velkominn í Fram og í íslenska knattspyrnu,\" segir í tilkynningu Fram.

Fram hafnaði í 9. sæti Inkasso-deildarinnar í fyrra.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.