Borin af velli.
Katla María Þórðardóttir, fyrirliði FH, er á leið í myndatöku vegna hnémeiðsla sem hún varð fyrir í leik FH gegn Stjörnunni á sunnudag. Katla var borin af velli í fyrri hálflelik og bíður eftir því að komast í myndatöku.
Fótbolti.net ræddi við Guðna Eiríksson, þjálfara FH, í dag.
Fótbolti.net ræddi við Guðna Eiríksson, þjálfara FH, í dag.
Lestu um leikinn: Stjarnan 1 - 2 FH
„Við erum að bíða eftir því að hún komist í myndatöku, vitum ekki nákvæmlega stöðuna. Hún finnur dagamun á sér, er á hækjum til að hlýfa fætinum og finnur mun á sér sem er jákvætt. Við vitum ekki hvað þetta nákvæmlega er fyrr en hún kemst í myndatöku."
„Hún á tíma á mánudaginn en það er verið að vonast til þess að hún komist fyrr. Þangað til er þetta óvissa. Þetta eru hnémeiðsli, það kom yfirsnúningur á hnéð. Hún fann ekki eða heyrði smell eða neitt slíkt sem er jákvætt gagnvart krossbandi. Þetta kemur í ljós ekki seinna en á mánudag," segir Guðni.
Katla María (2001) er fjölhæfur leikmaður, getur bæði spilað í vörn og á miðju og er á sínu öðru tímabli í Hafnarfirði.
Næst á dagskrá hjá FH, sem er með sjö stig eftir þrjá leiki í Bestu deildinni, er útileikur gegn Selfossi í Mjólkurbikarnum á föstudag.
Besta kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 4 | 4 | 0 | 0 | 11 - 4 | +7 | 12 |
| 2. ÍBV | 4 | 4 | 0 | 0 | 12 - 7 | +5 | 12 |
| 3. FH | 4 | 2 | 1 | 1 | 6 - 5 | +1 | 7 |
| 4. Þróttur R. | 4 | 2 | 0 | 2 | 6 - 5 | +1 | 6 |
| 5. Grindavík/Njarðvík | 4 | 2 | 0 | 2 | 6 - 6 | 0 | 6 |
| 6. Víkingur R. | 4 | 2 | 0 | 2 | 7 - 8 | -1 | 6 |
| 7. Stjarnan | 4 | 1 | 1 | 2 | 6 - 6 | 0 | 4 |
| 8. Valur | 4 | 1 | 0 | 3 | 6 - 9 | -3 | 3 |
| 9. Þór/KA | 4 | 0 | 2 | 2 | 4 - 7 | -3 | 2 |
| 10. Fram | 4 | 0 | 0 | 4 | 3 - 10 | -7 | 0 |
