Mino Raiola, umboðsmaður Erling Haaland (21), mun væntanlega funda með Manchester City í janúar um möguleg sumarkaup á þessum norska sóknarmanni Borussia Dortmund. (Times)

Enski sóknarmaðurinn Raheem Sterling (26) vill fullvissu um að hann sé í lykilhlutverki í áformum Pep Guardiola áður en hann fer í viðræður um nýjan samning við Manchester City. (Sun)

Liverpool er tilbúið að selja Alex Oxlade-Chamberlain (28) fyrir rétta upphæð. Arsenal, hans fyrrum félag, hefur áhuga. (Mirror)

Liverpool hefur hafið viðræður um franska sóknarmanninn Ousmane Dembele (24) á frjálsri sölu en samningur hans við Barcelona rennur út næsta sumar. (Mail)

Enski miðjumaðurinn Phil Foden (21) er nálægt því að skrifa undir nýjan samning við Manchester City. Hans núgildandi samningur rennur út 2024. (The Athletic)

Franski miðjumaðurinn Paul Pogba (28) er aftur radarnum hjá Real Madrid en samningur hans við Manchester United rennur út næsta sumar. (AS)

Manchester United hefur blandað sér í baráttu við Chelsa og Juventus um franska miðjumanninn Aurelien Tchouameni (21) hjá Mónakó. (Express)

Ítalski vængmaðurinn Federico Chiesa (23) og hollenski miðvörðurinn Matthijs de Ligt (22) sem báðir eru hjá Juventus eru meðal nafna á óskalista Newcastle. (Tuttosport)

Clement Lenglet (26), varnarmaður Barcelona, gæti verið fyrsti leikmaðurinn sem nýir eigendur Newcastle fá til sín. (Sport.es)

Leikmenn Southampton búast við því að Austurríkismaðurinn Ralph Hasenhuttl (54) verði rekinn á næstu vikum en liðið hefur ekki unnið úrvalsdeildarsigur á tímabilinu. (Fooball Insider)

Þýski miðvörðurinn Antonio Rudiger (28) mun skoða sína kosti áður en hann tekur ákvörðun um framtíð sína hjá Chelsea. Núgildandi samningur rennur út í lok tímabils. (Sky Sports)

Southampton, Tottenham og West Ham hafa áhuga á enska markverðinum Sam Johnstone (28) hjá West Brom. (Hampshire Live)

Umboðsmaður Franck Kessie (24), miðjumanns AC Milan, segist ekki hafa rætt við Inter. Fílabeinsstrendingurinn rennur út á samningi næsta sumar. (Calciomercato)

Spænski bakvörðurinn Hector Bellerín (26) gefur í skyn að hann hafi ekki í hyggju að snúa aftur til Arsenal þegar lánssamningur hans hjá Real Betis rennur út. (El Desmarque)

Leeds United er nálægt því að kaupa spænska sóknarmanninn Mateo Joseph Fernandez (17) frá Espanyol. Leeds bauð 450 þúsund pund en Espanyol vill milljón. (TeamTalk)

Real Madrid hefur áhuga á að fá spænska bakvörðinn Sergio Reguilon (24) aftur á Bernabeu fyrir næsta tímabil. (Defensa Central)