Tyrkneska liðið með gæðamikla miðjumenn - „Áskorun fyrir okkur“
Jóhann Berg, fyrirliði íslenska landsliðsins.
Mynd: Fótbolti.net - Hafliði Breiðfjörð
Jóhann Berg, fyrirliði íslenska landsliðsins.
Mynd: Fótbolti.net - Hafliði Breiðfjörð
Íslenska landsliðið mætir annað kvöld mjög sterku landsliði tyrkja á Laugardalsvelli í 4. umferð Þjóðadeildarinnar. Í tyrkneska liðinu eru margir mjög gæðamiklir leikmenn sem spila fyrir stærstu félög heims.
Tyrkir eru með mjög sterka miðju en á miðjunni spila leikmenn eins og Kokcu, Calhanoglu og Arda Guler. Jóhann Berg Guðmundsson, fyrirliði íslenska landsliðsins, var spuður út í miðjumenn Tyrklands og hvernig honum líst á að mæta þeim á morgun.
„Þeir eiga tvo mjög góða miðjumenn í liðinu sínu, spila fyrir risastór félög. Við sáum það í fyrri leiknum okkar gegn Tyrklandi að miðjan þeirra er mjög góð og þar spila frekar góðir leikmenn hjá þeim.
Jóhann segir að leikmenn íslenska liðsins þurfi að trúa á sjálfan sig í leiknum á morgun.
„Við þurfum líka að trúa á okkur sjálfa að við getum lokað á þá. Þetta eru líklega þeirra tveir mikilvægustu leikmenn í því kerfi sem þeir vilja spila. Þetta er áskorun fyrir okkur að loka á miðjuna þeirra á morgun.“ sagði Jóhann Berg.
Leikurinn byrjar klukkan 18:45 annað kvöld en hægt er að kaupa sér miða á Tix.is.
