Erik Hamren á æfingu Íslands í Istanbul í dag. Hann hafði engan áhuga á að ræða uppákomuna í sumar þegar Tyrkir heimsóttu Ísland.
Tyrkjum virðist enn vera nokkuð niðri fyrir eftir heimsókn landsliðs þeirra til Íslands í júní og fréttamannafundur íslenska liðsins hófst í dag á spurningum út í það.
Þegar Tyrkir komu hingað til lands fyrir fyrri leik liðanna í undankeppni EM 2020 þótti þeim vegabréfseftirlitið taka of langan tíma og bætti ekki úr skák þegar belgískur ferðamaður reyndi að taka viðtal við Emre með uppþvottabursta.
Allt varð vitlaust í Tyrklandi og fjöldi Íslendinga fékk morðhótanir frá stuðningsmönnum tyrkneska liðsins í kjölfar þessa. Menn virðast þó ekki hafa gleymt neinu því fyrsta spurning á fréttamannafundinum í dag hljóðaði svona:
Þegar Tyrkir komu hingað til lands fyrir fyrri leik liðanna í undankeppni EM 2020 þótti þeim vegabréfseftirlitið taka of langan tíma og bætti ekki úr skák þegar belgískur ferðamaður reyndi að taka viðtal við Emre með uppþvottabursta.
Allt varð vitlaust í Tyrklandi og fjöldi Íslendinga fékk morðhótanir frá stuðningsmönnum tyrkneska liðsins í kjölfar þessa. Menn virðast þó ekki hafa gleymt neinu því fyrsta spurning á fréttamannafundinum í dag hljóðaði svona:
„Velkominn í fallega landið okkar. Ég veit að í Antalya og Istanbul var tekið vel á móti ykkur en því miður lenti tyrkneska liðið í miklum vandræðum við komuna til Íslands. Hvað viltu segja um þetta?"
Erik Hamren sat til svars og gerði lítið úr umræðunni eins og hann gerði reyndar líka í júní,
„Ég vil ekki tala um það núna," svaraði Hamren. „Það er langt um liðið og ekkert til að ræða. Á þeim tíma sagði ég að þetta væri ekkert sem við getum haft áhrif á. Við einbeittum okkur bara að leiknum þá og það er sama staða á morgun."
Athugasemdir