13.11.26 - 18:17
Brynjar Ingi Erluson
Isak ætlar að loka sig af frá umheiminum þegar GTA 6 kemur út
Alexander Isak getur byrjað að spila GTA 6 á fimmtudag
Mynd: EPA
Lucia og Jason eru aðalpersónurnar í nýja GTA leiknum en þar snúa spilarar aftur til Vice City
Mynd: Rockstar Games
Alexander Isak getur byrjað að spila GTA 6 á fimmtudag
Mynd: EPA
Sænski framherjinn Alexander Isak hefur gert það ljóst að það verði erfitt að ná sambandi við hann þann 19. nóvember. Ástæðuna má þó ekki rekja til fótboltans, heldur tölvuleiks sem hann hefur beðið lengi eftir.
Þann dag kemur loksins út Grand Theft Auto 6, einn mest spennandi tölvuleikur síðari ára, sem milljónir spilara um allan heim hafa beðið eftir með mikilli eftirvæntingu.
Isak er sjálfur mikill áhugamaður um tölvuleiki og segir að það verði nánast útilokað að ná í hann þegar leikurinn kemur út.
„Það verður erfitt að ná í mig þann 19. nóvember þegar leikurinn kemur út. Ég verð algjörlega einbeittur á það,“ sagði Isak í viðtali við sænska ríkissjónvarpið.
Fréttamaðurinn spurði Isak í kjölfarið hvort hann væri búinn að tæma dagskrána fyrir helgina, en Liverpool mætir einmitt erkifjendum sínum í Manchester United sunnudaginn 22. nóvember.
„Það er planið,“ svaraði Isak, sem er greinilega orðinn ansi spenntur fyrir útgáfu leiksins.
Og hann er svo sannarlega ekki einn um það, enda eru liðin þrettán ár síðan síðasti Grand Theft Auto-leikurinn kom út og má því búast við gríðarlegri eftirvæntingu þegar fimmtudagurinn rennur loksins upp.
Isak er sjálfur mikill áhugamaður um tölvuleiki og segir að það verði nánast útilokað að ná í hann þegar leikurinn kemur út.
„Það verður erfitt að ná í mig þann 19. nóvember þegar leikurinn kemur út. Ég verð algjörlega einbeittur á það,“ sagði Isak í viðtali við sænska ríkissjónvarpið.
Fréttamaðurinn spurði Isak í kjölfarið hvort hann væri búinn að tæma dagskrána fyrir helgina, en Liverpool mætir einmitt erkifjendum sínum í Manchester United sunnudaginn 22. nóvember.
„Það er planið,“ svaraði Isak, sem er greinilega orðinn ansi spenntur fyrir útgáfu leiksins.
Og hann er svo sannarlega ekki einn um það, enda eru liðin þrettán ár síðan síðasti Grand Theft Auto-leikurinn kom út og má því búast við gríðarlegri eftirvæntingu þegar fimmtudagurinn rennur loksins upp.
???????????? Alexander Isak on the release of GTA 6:
— James Wathland (@JamesWathland) November 12, 2026
“Yeah, so I think it’ll be difficult to reach me from the 19th, when it comes out. I’ll be locked in. That’s the plan.” ???? https://t.co/LEhQQRo8pQ
Lucia og Jason eru aðalpersónurnar í nýja GTA leiknum en þar snúa spilarar aftur til Vice City
Mynd: Rockstar Games
