Vestri fær hárprúðan Tyrkja (Staðfest)

Göktug er um 190sm á hæð og hefur leikið í neðri deildum í Tyrklandi og á Spáni, ásamt því að spila í næstefstu deild í Indónesíu og efstu deild í Filippseyjum.

Hann er einstaklega hárprúður og minnir hárstíllinn hans á stílinn sem Marouane Fellaini skartaði á sínum ferli.

„Goktug kemur til landsins í byrjun næsta árs og við bjóðum honum hjartanlega velkominn vestur," segir meðal annars í tilkynningu frá Vestra.