4. deild: Daníel Freyr setti þrennu gegn Afríku

KÁ heimsótti Afríku á Álftanes og var staðan markalaus í leikhlé en flóðgáttirnar opnuðust í síðari hálfleik.

Sindri Hrafn Jónsson kom KÁ yfir í upphafi háfleiksins og svo gerði Daníel Freyr Ólafsson sér lítið fyrir og setti þrennu á tæpum hálftíma.

Lokatölur urðu því 0-4 og er Afríka áfram á botni B-riðils, stigalaus eftir 13 umferðir. KÁ er í efri hluta riðilsins með 22 stig en á ekki möguleika á úrslitakeppni.