Jóhannes Kristinn Bjarnason lagði upp fyrsta markið og gerði svo sigurmarkið í 2-1 sigri U21 landsliðs Íslands gegn Lúxemborg í undankeppni fyrir EM.
Lestu um leikinn: Ísland U21 2 - 1 Lúxemborg U21
Þetta er fyrsti sigur Strákanna okkar í undankeppninni og eru þeir komnir með fimm stig eftir fjórar umferðir.
„Við ætluðum að byrja undankeppnina betur en það má segja að við séum komnir í gang núna eftir að hafa náð í stig á móti Sviss og unnið sterkan sigur hérna. Við erum að smella í gang," sagði Jóhannes Kristinn eftir sigurinn í dag.
„Við vorum betri á boltanum og hlupum meira heldur en í síðustu leikjum. Okkur langaði þetta meira fannst mér, það var held ég bara aðallega það."
Jói bendir á að hann hafi aldrei skorað mark fyrir yngri landslið Íslands fyrr en hann steig upp í U21 liðið. Hann er búinn að skora 2 mörk í 9 leikjum með U21.
Hann leikur með Kolding IF í næstefstu deild í Danmörku og er liðið í baráttu um að komast upp í efstu deild.
14.10.2025 18:12
Haukur Andri: Höfum verið óheppnir með úrslit
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
