Fótbolti.net

Jói Bjarna: Erum að smella í gang

Haukur Andri: Höfum verið óheppnir með úrslit

Þorsteinn opnar nýjan kafla: Ágætis tímapunktur til að skipta út og gera breytingar

„Vonandi að fólk sjái að maður geti spilað gegn svona leikmönnum“

Ógeðslega erfitt að horfa frá bekknum - „Fannst ég ná að stríða og djöflast í þeim“

Sverrir Ingi um baráttuna við Mateta - „Ógnarsterkur náungi“

Daníel Tristan: Það er miklu erfiðara finnst mér

Stærsta augnablikið á ferlinum til þessa - „Það voru allir trylltir"

Hákon Arnar: Verður áhugavert hvað menn segja núna

Ísak: Höfðum getað vorkennt sjálfum okkur og haldið að þetta væri búið

Elías notaði orð sem Arnar elskar - „Verður líka að kunna það"

Daníel Leó: Þú verður ekki þreyttur þegar það er þannig

Líður vel í Stockport - „Draumur frá því að maður var lítill“

„Aftur sami Eggert Aron sem að fólk þekkir“

Ólafur horfir enn á 2. sæti riðilsins - „Verðum hreinlega að fá þrjú stig“

Bergdís Sveins: Ætlum að koma geggjaðar inn í næsta tímabil

Óli Kristjáns: Vitum alveg hvernig þetta er búið að vera

Einar Guðna: Við þurfum að vinna næsta leik bara 3-2, þá er ég sáttur

Kom liðinu sínu í Meistaradeildina - „Ég er himinn lifandi, vá!”

Jóhannes Karl: Þurfum sigur á móti Víking

þri 14. október 2025 18:12

Ívan Guðjón Baldursson

Haukur Andri: Höfum verið óheppnir með úrslit

Mynd: Fótbolti.net - Haukur Gunnarsson

Mynd: Fótbolti.net - Hafliði Breiðfjörð

Haukur Andri Haraldsson, yngri bróðir Hákonar Arnar, var í byrjunarliðinu þegar U21 landsliðið náði í langþráðan sigur í undankeppni fyrir EM.

Lestu um leikinn: Ísland U21 2 - 1 Lúxemborg U21

Haukur Andri átti flottan leik þar sem hann gaf stoðsendingu og skapaði færi auk þess að eiga hættulega marktilraun.

„Við vorum sterkari aðilinn í dag og verðskulduðum sigurinn. Við fengum nóg af færum og hefðum getað skorað fleiri en maður er mjög sáttur með sigurinn," sagði Haukur eftir 2-1 sigur á Lúxemborg.

„Ef við ætlum að ná okkar markmiðum þá var ekkert annað í stöðunni en að vinna þennan leik. Við sýndum í dag hvers við erum megnugir og ef við spilum þá náum við alltaf þessu markmiði sem er annað sætið og að komast áfram. Við höfum verið að spila mjög góðan bolta en verið óheppnir með úrslit."

Ísland er meðal annars í riðli með Frakklandi og Sviss en strákarnir byrjuðu undankeppnina á því að tapa heimaleik gegn Færeyjum. Þeir gerðu svo jafntefli í Eistlandi og Sviss áður en þeir náðu í sinn fyrsta sigur loksins í dag.

„Við sáum það alveg í dag að þeir eru góðir í fótbolta þessir gæjar og seinni leikurinn verður erfiður. Ef við náum þrem punktum í Lúxemborg þá erum við búnir að koma okkur í mjög góða stöðu. Við ætlum okkur ekkert annað en sigur."

Haukur leikur með ÍA í Bestu deild karla og eru Skagamenn núna búnir að vinna fimm deildarleiki í röð í fallbaráttunni. Þeir eru svo gott sem búnir að bjarga sér frá falli.

„Þetta byrjaði allt eftir tapið í Eyjum þar sem við tókum langan fund eftir leik og menn opnuðu sig. Við vorum sammála um að við ætluðum að kýla á þetta og að við höfðum engu að tapa. Við byrjuðum að spila boltanum meira í staðinn fyrir að sparka honum bara einhvert og fórum all-in. Við byrjuðum að spila maður á mann út um allan völl og það hefur bara hentað okkur mjög vel. Þetta byrjaði allt eftir tapið í Eyjum. Við sýndum magnaðan karakter að takast að snúa þessu svona við."

Lið	L	U	J	T	Mörk	mun	Stig
1. Færeyjar	4	3	0	1	5 - 8	-3	9
2. Frakkland	2	2	0	0	12 - 1	+11	6
3. Sviss	2	1	1	0	2 - 0	+2	4
4. Ísland	3	0	2	1	2 - 3	-1	2
5. Eistland	5	0	2	3	5 - 13	-8	2
6. Lúxemborg	2	0	1	1	2 - 3	-1	1